منتديات بيت لقيا للجميع
نرحب بكم أجمل ترحيب في منتديات بيت لقيا للجميع ,, فأهلا وسهلا بكم ::: اذا كنت زائر فيسعدنا ان تسجل معنا في المنتدى وتشارك فيه



 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 (مصطلحات فلسطينية عجيبة))

اذهب الى الأسفل 
كاتب الموضوعرسالة
بنت بيت لقيا
لقياني متحمس
لقياني متحمس
avatar

عدد الرسائل : 65
العمر : 23
الموقع : في قلب بيت لقيا
المزاج : متقلبة المزاج
نقاط : 141
تاريخ التسجيل : 11/02/2010

مُساهمةموضوع: (مصطلحات فلسطينية عجيبة))   الجمعة 26 فبراير 2010, 10:15 am

اليوم جبتلكم بعض المصطلحات الفلسطينيه


شايف علي**
تقال عندما يكون المستمع طبلة وهبيلة و أجوف ولا بعرف رأسه من رجليه.



بدك الصحيح والا ابن عمه**


مقدمة لكذبة من الحجم العائلي




وماشفنالك الا**
موسيقى تصويرية لفيلم هندي من تأليف محلي ( بس على فكرة هاي دارجة عنا كثير)




صلي على النبي**


استراحة لكثير الكلام ليبلع ريقه.




وما كذبت خبر**
عبارة لنفش العضلات وبداية لكذبة ورسم بطولات ما حصلت الابالخيال صدقوني بطل القصة ما بكون عارف وين هو

بلا طول سيرة**

جملة محشورة داخل قصة يزيد عدد كلماتها عن 100000000كلمة وجميعها خرط بخرط

انت بعدك ما بتعرفني**
تقال عندما يشعر المتكلم انه تبهدل وانمسحت بكرامته الارض وبحاول يصلح موقفو


نشفت دمي**
تقال للذي يطلب كل دقيقة اعادة نفس الجملة بطريقة مختلفة


الله يستر على خلقه**
تقال بعد نهاية كل قصة تم فيها نشر قصص لا تقال لمواطن اومجموعة من
المواطنين وبعد ما يفظحهم وما يخلي لاهلهم واهل اهلهم بقلك الله يستر على خلقه وماا النا بسيرة الناس


اتمنيتك معي**
وهاي بتنقال اذا بدك تقهر واحد بعد ما تقلو قصة سويتها وفيها متعة و فايدة

علي الضمان
هاي لما بدو يشكّل ويبهّر شي قصة وما بقدر يحلف يقول والله حتى لا يتقلد خطية اليمين بقولك علي الضمان اني عملت هيك وهيك ....

بدك الدغري
هاي لما بكون الواحد كذبان شي كذبة وانتي عم تحاوري وتكشفي كذبه بقولك بدك الدغري وبعترف بالحقيقة وبقولك كنت بمزح .

أخخخخخخخخخ
هاي الشخرة لا تنسيها وعدي كم مواقف عم تنذكر فيها رغم انها مكروهة ولحد
علمي محرمة " الشخرة للتعبير عن الغضب " هاي بستخدموها لما بستغربوا من
موضوع او بتفاجأوا بشي .

غير اخلي الله يشتالك
هيك عم تلتفظ وهاي بستخدموها لما بغضب من شخص متل " غير اخلي الله ياخدك "

عيب دافنينو سوا
هاي لما اتنين بكونوا متفقين ع كذبة وببلشوا بدهم يكذبوا ع بعض بقولوا صاحبه عيب دافنينو سوا

يا راجل ايش هذا بدو يعرف البيضة مين باضها والجاجة مين جابها
هاي بقولوها لما الواحد بكون بسأل كتير وحشر وبدو يعرف كل شي
ع فكرة هاي تقدري تقولي مصطلحات غزاوية واكثر ناس بستخدموها في غزة هم حي " الشجاعية والزيتون "


مفكرلي حاله زلمة
هاي لما حد يحب يستعرض قوته وانو هو الراجل والباقيين لأ اي لما بحب ينتقد حد في خطأ معين

حل عني يا زلمة
هاي لما واحد يكون مجالس او ماشي مع واحد ومو طايقه من كتر حكييه ما بحب حديثه بقوله حل عني يعني روح قبع .

ساق الله عليك
هاي لما بكون حد بدو شي من حد يعني منشان الله تساوي كذا كذا

بتمنى تكون اعجبتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
(مصطلحات فلسطينية عجيبة))
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بيت لقيا للجميع :: المنتديات العامة :: المنتدى العام-
انتقل الى: